Sögur að sunnan

Nýtt ár - 2009.

Tue, 03 Feb 2009 13:49:39 GMT

Þá er komið að fyrsta bloggi ársins 2009.
Vegna fjölda áskoranna ætla ég að verða við því að halda áfram að babla eitthvað hérna.

Síðan síðast þá eru jólin og áramótin búin og ég er orðin árinu eldri, þó að það sjáist nú ekki á mér.
Fjölskyldan hefur minnkað og erum við bara þrjú núna búsett hérna í Kjarrhólunum. Telma flaug til Stokkhólms laugardaginn 17. janúar og byrjaði strax á mánudeginum í nýju vinnunni, hún er sem sagt að vinna hjá Zöru og líkar vel. Mér lýst vel á þetta hjá henni að fara á vit ævintýranna og læra enn eitt tungumálið, en hún er mikil tungumálamanneskja og er þegar farin að skilja sænskuna og aðeins að tala. Hún finnur kannski út hvað hana langar að læra í framtíðinni.
Eitt stórt vandamál sem hrjáir mig núna er eldamennskan, fyrst fannst mér ekki taka því að elda þar sem við erum bara þrjú. En Sandra heldur mér við efnið, hún vill fá almennilegan eldaðan mat á kvöldin. Ég hef reynt að hafa snarl fyrir okkur tvær þegar Torfi kemur ekki í mat, en hún er ekki sátt við mig þá. En ég get oft bjargað mér með grjónagraut, hún elskar grjónagraut.
Ég er ekki enn farin að vinna úti, stefnan var að kíkja á hvað væri í boði núna um áramótin, en þar sem ástandið í þjóðfélaginu er eins og það er þá er ekki nein vinna í boði, þannig að ég verð bara að bíða róleg, eftir að ástandið lagist.
Tinna kíkir nú á okkur reglulega og líkar mér það vel. Alltaf gaman að fá hana hingað, hún er svo hress stelpan (á svo sem ekki langt að sækja það).
Núna í byrjun árs var sr. Óskar sem var prestur í Ólafsvík ráðinn í afleysingar í kirkjuna hérna á Selfossi og þar eru Selfyssingar heppnir að fá svona góðan prest hingað. Við Torfi ( já ég sagði Torfi) mættum í fyrstu messuna hjá honum kl. 11 á sunnudagsmorgni, og var það virkilega notalegt að hlusta á hann, ég vona bara að hann verði áfram hérna.

Ætla ekki að skrifa meira núna, kveð ykkur með sól í hjarta.
Kveðja
Olgina grjónagrautur.

Mikið að gera á stóru heimili.

Mon, 08 Dec 2008 17:33:44 GMT

Sælt veri fólkið. Ég hef bara ekki gefið mér tíma til að skrifa eitthvað hérna inn. Ég ætla ekki að drepa ykkur úr leiðindum og skrifa allt sem ég hef verið að gera síðan síðast, en ég stikla aðeins yfir.
Ég verð samt að byrja á að nefna "leyndarmálið", það er hvað við Lára vorum alltaf að gera vestur á meðan mamma og pabbi voru á Kanarý. En við fengum þessa snildar hugmynd að nota tækifærið á meðan þau væru að heiman og mála hjá þeim og fara aðeins yfir dót og henda því sem var ekki not í. Við fórum sem sagt fyrst tvær á fimmtudegi vestur og undirbjuggum stofuna og eldhúsið fyrir málningu og svo komu Jóhannes bróðir og Steini mágur á laugardeginum og máluðu yfir og svo fengu þeir að yfirgefa svæðið á meðan við endurröðuðum húsgögnunum og negldum nýja nagla fyrir myndir og svona. Við vorum fram á mánudag þarna en vorum orðnar svo andlausar að við ákváðum að koma bara aftur seinna til að klára að negla upp. Það gerðum við svo tveimur vikum seinna og reyndar fórum við þá líka í gegnum geymsluna og hentum því sem við töldum að mætti henda. Það fór svo að við fórum 3 ferðir með fullan bíl í gámastöðina.
Svo tók við biðin eftir að heyra viðbrögðin hjá foreldrunum. En til að gera langa sögu stutta þá voru þau himinlifandi yfir þessari afskiptasemi hjá okkur og eiginlega dauðfegin að þurfa ekki að gera þetta sjálf. Við Lára höf'um lika orð á því að ef mamma hefði verið heima hefðum við ekki komist yfir allt, því hún hefði haft matar og kaffitíma reglulega, en við gáfum Jóa og Steina ekki að borða fyrr en um kvöldið þegar þeir voru búnir.

Nú svo komu Hugrún og John hingað í síðustu viku og fóru til baka á sunnudaginn. Það var góð sárabót að fá þau núna þar sem þau koma ekki um jólin eins og planað var, en Hugrún fékk ekki frí þá. Við vonum bara að þau fái að vera hjá okkur á næstu jólum.
Ég var með kaffiboð á laugardaginn í tilefni af afmælum þeirra systra, Hugrúnar og Tinnu og vorum við 31 sem fögnuðum með þeim. Virkilega skemmtilegur dagur. Foreldrar mínir komu á laugardaginn hingað austur og gistu 2 nætur og fóru núna fyrir hádegi til baka. En þau koma aftur bráðum, þar sem þau ætla að eyða jólunum með okkur, gaman, gaman.
Við mættum i Selfosskirkju í gær á jólatónleika nokkurra kóra hérna og var Sandra Ýr í einum þeirra og sýndu þau og sungu jólahelgileik og var það virkilega flott hjá þeim. En bæði pabba og Telmu fannst þetta aðeins of langt og erfitt að sitja þarna en þetta var nú bara rétt rúmur klukkutími þannig að ég vorkenni þeim nú ekkert.
Þar sem heimsóknum og afmælum er lokið í bili ætla ég að fara að undirbúa jólin hérna, við erum reyndar komin með ljós í glugga en ég er ekki byrjuð að baka og mun ég byrja á því á morgun ásamt að pakka inn og skrifa á jólakort. Það er virkilega jólalegt hérna núna, jafnfallinn snjór, og jólaljós.
Læt þetta ekki vera lengra í bili.
Kveðja
Olga á leið í jólaundirbúning.

Tinna Torfadóttir 20 ára.

Sat, 15 Nov 2008 10:30:53 GMT

Í dag er frumburður minn 20 ára og ætla ég að tileinka henni þetta blogg.

Hún átti að koma í heiminn þann 4. nóvember en lét aldeilis bíða eftir sér, og bjóst ég þess vegna að hún myndi verða bæði þrjósk og óstundvís í lífinu, en svo er svo sannarlega ekki.

Þar sem ég var að fara að eiga mitt fyrsta barn þá ákvað ég að fara tímalega til Reykjavíkur, þ.e. 2 vikum fyrir áætlaðan dag (04.11.) sem sagt um miðjan október. Ég hafði miklar áhyggjur af því að Torfi myndi missa af fæðingunni þar sem hann var sjómaður, þannig að ég grátbað hann um að taka sér frí og vera hjá mér í Höfuðborginni, og hann samþykkti það. Við fengum að halda til hjá Láru systir og Steina. Þetta voru langir dagar og ekki þeir skemmtilegustu. Við gengum mikið um og fórum daglega í Kringluna ( kannski er það þess vegna sem Torfi hatar Kringluna og má ekki heyra á það minnst að fara þangað ).

Tinnan mín var ekkert á leiðinni í heiminn. Það var hreyft við belgnum en ekkert gerðist. Ekki vildu ljósurnar setja mig af stað, sögðu að það yrði ekki gert fyrr en ég væri komin 2 vikur framyfir. Eftir skoðun þann 14. nóvember var samt tekin ákvörðun um að setja mig af stað þar sem hjartslátturinn var eitthvað hægari. Ég var lögð inn og kl. 8 um kvöldið var ég sett af stað, og í stuttu máli sagt byrjuðu verkirnir strax og voru alla nóttina en engin útvíkkun þannig að ég hvíldist ekkert. Kl. 8 um morguninn eftir var ég sett inn á fæðingarstofuna og hringt var í Torfa en út vildi prinsessan ekki og var það ekki fyrr en kl. 17.01 að vinan var sótt og dregin út með töngum. Hún var orðin ansi þreytt og var send á vöku í smá stund.

Tinna var yndislegt barn, mjög skýr og fljót til máls. Enda varð hún að vera dugleg að stækka þar sem aðeins 13 mánuðum seinna var hún orðin stóra systir.
Eini ókosturinn við prinsessuna var að hún var ekki sú þolinmóðasta og ef eitthvað gekk ekki strax eða MJÖG fljótlega þá skellti hún sér á magann á gólfið og skallaði það að miklum krafti. Þannig að oft var hún með kúlur framan á enninu en verst var þegar hún var með kúlu og lagðist á gólfið og skallaði þá meiddi hún sig meira en venjulega.
Unglingsárin voru bara nokkuð ljúf með nokkrum pústum og pirringi en hún komst bara nokkuð vel í gegnum þetta allt saman. Hún þurfti að fara alltof snemma að heiman 16 ára og hefur eiginlega ekki flutt heim aftur nema í sumarfríum.

Hún hefur fengið mjög gott orð á sér í vinnu og er ég virkilega stollt af stelpunni minni. Bæði fékk hún góð meðmæli frá samstarfsfólki sínu á Dvalarheimilinu Jaðri í Ólafsvík og svo síðasta sumar vann hún á Kumbaravogi og þar fékk hún líka mikið hól
En núna er Tinnan mín orðin tvítug og ekkert barn lengur. Við erum miklar vinkonur og erum í sambandi á hverjum degi. Er ég líka í skýjunum yfir því að hún ætlar að koma heim í dag ásamt 3 vinum sínum og borða heima hjá mömmu.

Tinna mín til hamingju með afmælið þitt og takk fyrir að vera eins og þú ert.
Mamma.

Ég er engan veginn að standa mig hérna.

Mon, 03 Nov 2008 11:38:02 GMT

Það er best að henda inn nokkrum línum hérna. Það er alltaf svo mikil umferð á síðunni, ekki veit ég hverjir eru svona tryggir gestir, eða ég veit náttúrulega um einhverja en held að það séu nú einhverjir sem kvitta ekki, en so what.
Það er ýmislegt búið að gerast síðan síðast, við Sandra og Lára systir fórum vestur um daginn og vorum í nokkra daga. Sandra hélt að mestu til heim hjá Selmu vinkonu sinni, og er það gott, þar sem ég vill ekki að þær missi samband.
Torfi kom svo vestur og skipti um gluggana í Sandholtinu og verð ég að segja að það er allt annað að sjá húsið og svei mér þá mig langaði bara að flytja í húsið aftur, eða eiga það áfram sem sumarhús en það er kannski í stærra lagi, en hver veit ef ekki tekst að selja það...............
Um helgin dreif ég loksins í því að gera slátur eða réttara sagt lifrapylsu, og gekk það rosalega vel enda með þann sneggsta saumara sem finnst, það er ekki eðlilegt hvað hann Torfi er handfljótur, en Tinna hjálpaði líka og svo kom Guðný mágkona í heimsókn í smá stund og hún er svona ofvirk eins og Torfi, og gat ekki setið á sér lengi og var komin með nál í hönd fjótlega.
Ég verð að segja að ég þarf örugglega ekki að versla mat í marga mánuði, ég er bæði með frystikistu og frystiskáp og þetta er allt fullt, og svo vorum við að kaupa hálfan hest og ég hef ekki hugmynd um hvar ég set hann, en reyndar er búið að verka kjötið og sumt er í bjúgum ( þessar frægu hrossabjúgu eða sperðlar sem eru svo gífurlega vinsælar hérna á suðurlandinu) ekki það að mér finnist þær ekki góðar, ég bara ólst ekki upp við að borða þær. Svo er búið að salta eitthvað af kjötinu, þannig að þetta er heilmikið úrval, fyrir utan lifrapylsuna, svo erum við komin með örlítinn búskap í sveitinni hjá Helga vini hans Torfa og fengum lambakjöt þaðan.
Nú styttist ekki bara í jólin heldur eiga þrjár af fjórum dætra minna afmæli á næstunni. Tinna verður tvítug núna 15. nóvember og Hugrún 25 ára 4. desember og Telma verður 19 ára 27. desember. Meiningin var að Hugrún og John yrðu hjá okkur um jólin, þar sem þau voru í Svíþjóð síðustu jól, en því miður fékk Hugrún ekki frí þessi jól, en í staðinn ætla þau að koma um næstu mánaðarmót í staðinn og ætla þær systur, hún og Tinna að halda saman upp á afmælin sín.
Hugrún og John voru búin að taka ákvörðun um að flytja til Íslands í eitt ár en vegna stöðu mála á Íslandi féll það um sjálft sig. Ömurlega leiðinlegt fyrir alla, því við vorum orðin svo spennt fyrir því að hafa þau hjá okkur í heilt ár, en við því er ekkert að gera og sem betur fer voru þau ekki búin að segja upp vinnunum sínum. En vonandi eiga þau eftir að fá tækifæri seinna til að búa hérna í einhvern tíma. Enda væri það gott fyir John að læra íslensku og kynnast okkur betur.

Læt hér staðar numið.
Kveðja Olgina í frystinum.

Ný vika.

Mon, 20 Oct 2008 10:32:36 GMT

Já tíminn líður alveg skuggalega hratt, og jólin verða komin áður en maður veit af. Helgin var fín, Tinna kom á föstudaginn og var hjá okkur alla helgina. Hér var eldaður nýr kjúklingaréttur á laugardagskvöldið og borðuðu Ævar og Ragnheiður hjá okkur og voru hérna hjá okkur um kvöldið, bara skemmtilegt.
Við mættum í messu (sunnudagaskóla) á sunnudagsmorguninn kl. 11, sem sagt ég, Torfi og Tinna en Sandra Ýr var að syngja með barnakór Selfosskirkju. Þetta var bara mjög fín stund, og stelpan stóð sig með stakri prýði eins og öll hin börnin. Torfi var mest hissa að hún kunni textana hehhehe. Þannig að við erum búin að sjá kirkjuna "okkar".
Svo fórum við í kaffi til Ævars og Ragnheiðar um miðjan daginn. Svo þetta var bara hin besta helgi.
Torfi fór í morgun kl. 8 og keypti ný vetrardekk undir bílinn hennar Tinnu, maður þorir ekki að láta hana keyra hérna á milli á sumardekkjunum, svo ætla ég að fara á eftir og skipta á mínum bíl, ég ætla til Reykjavíkur á morgun og nenni ekki að lenda í einhverju veseni á heiðinni. Þannig að vetur konungur er að mæta á svæðið. Reyndar var engin hálka í morgun en það er búið vera í nokkra morgna filma yfir götunum og það hefur þurft að skafa af rúðunum. En eins og maður segir öryggið á oddinn.
Já á morgun ætla ég að hitta foreldra mína í Reykjavík, en þau eru að fara til Kanary á miðvikudaginn og verða þar í 3 vikur. Eins og ég áður sagt hérna á síðunni þá er ég ekki dugleg að fara til Reykjavíkur og þarf að hafa eitthvað sérstakt erindi til að fara og gera þá margt í einu. Ég þyrfti að fara að panta mér fataskáp í forstofuna en þar hefur bara verið bráðabirgða slá, en á föstudaginn þegar Sandra var að hengja upp úlpuna sína þá hefur vinan togað eitthvað fast og hengið kom bara út úr veggnum........það er gifsið brotnaði út, þannig að kannski ætti ég bara að fara að klára dæmið hérna.

Kveðja
Séra Olgina.

p.s. Lára ertu að setja pressu á mig.............

Haust 2008

Tue, 14 Oct 2008 14:29:08 GMT

Héðan er allt gott að frétta. Fullt búið að gerast síðan síðast. Ég ætla nú ekki að skrifa það allt hérna, en það er svo sem allt í lagi að setja eitthvað hérna.
Við fórum sem sagt systkinin ásamt mökum með foreldrum mínum út að borða í Perluna á Gullbrúðkaupsafmælinu og var það alveg meiriháttar. Mjög góður matur og skemmtilegt í alla staði.
Síðan fór ég með stelpunum mínum í kjötsúpuveislu til Jóns frænda þann 1. okt. en þann dag varð kappinn 55 ára og var þar eins og áður sagði kjötsúpa í boði og ekkert smá góð súpa þar, eins og Kollu er von og vísa. Þar hitti ég suma ættingja sem ég sé ekkert of oft. Sem sagt skemmtilegt í alla staði.
Við hjónin skelltum okkur svo til Stokkhólms um síðustu helgi ásamt Írisi systur hans og Bubba manninum hennar og gistum við hjá Hugrunu og John og var þetta alveg frábær fer og borgin alltaf jafn skemmtileg og mikið að skoða. Í þetta sinn fórum við í sightseeing siglingu um eyjarnar en eins og þið sennilega vitið þá byggist Stokkhólmur á 14 eyjum og þetta var tveggja tíma ferð og mjög gaman að fara hana og fræðast um borgina. Síðan fórum við á Wasa-safnið en þar er eins og nafnið bendir til Wasa-skipið sem var engin smá fleyta byggð árið 1628 og sökk þarna rétt fyrir utan og lá á hafsbotni í rúm 300 ár og var þá hífð upp og safn gert í kringum þetta og þar er svo sem meira að sjá en bara skipið. Virkilega flott safn sem gaman var að skoða. Við fórum líka í Gamla Stan en það er elsti hluti Stokkhólms og þar eru þröngar götur og sum húsin eru orðin skökk, þar eru líka allskonar litlar verslanir sem gaman er að skoða, við stoppuðum kannski aðeins og stutt þar, þannig að ég ætla að fara aftur þangað næst þegar ég heimsæki borgina. En skemmtilegast af öllu var að hanga með Hugrúnu og John, þar sem maður sér þau ekki svo oft.

En hérna heima er allt við það sama. Haustið farið að minna vel á sig, og styttist í veturinn. Sandra er að fara í samræmd próf núna í vikunni en við erum ekkert að fara á taugum yfir því. það fer bara eins og það fer og finnst mér útkoman vera frekar ábending fyrir skólann hvernig hann stendur sig frekar en 9 ára börn.

Nú svo er náttúrulega aðalfréttin, að Helgi bróðir minn er orðinn afi og það tvöfaldur.............nei nei Helga Björg er ekki orðin mamma, enda er hún bara 8 ára en stjúpdóttir hans Birgitta og hennar eiginmaður eignuðust tvíburadrengi 6.október, algjörar dúllur sem ég hlakka svo mikið til að sjá augliti til auglitis. Sem sagt 6. október var ekki svartur dagur hjá mér, þó að holskefla bankahrunsins hafi byrjað þá...........

Er hætt í bili. Enda finnst mér ég bara hafa verið dugleg að blogga smá í dag..

Olga tvíbura-afasystir.

Ekki í þunglyndi.

Wed, 24 Sep 2008 14:32:00 GMT

Er ekki í nokkru bloggstuði, en verð víst að setja eitthvað hérna inn svo fólk haldi ekki að ég sé í einhverju þunglyndi.
Hér gengur lífið bara sinn vanagang. Torfi fór upp á fjöll um daginn, hann er sem sagt ekki búinn að fá nóg af veiðitúrum, og í þetta sinn voru netaveiðar fyrir valinu og voru þeir 3 vinnufélagarnir saman. Ekki var veðurspáin góð og var Torfi reglulega inni á veður.is að kanna hvort þeim væri óhætt að fara, ég gerði nú bara grín af honum þar sem hann var trillukall í 10 ár og virtist ekki vera mjög veðurhræddur þá. En þeir fóru samt þrátt fyrir slæma spá, og Helgi vinur hans sauð bæði svið og hangikjöt til að borða og Torfi átti flatkökur í frysti og tók líka með bjúgur ( uppáhalds mat karla held ég ) Þeir gistu í einhverjum fjallakofa sem hafði mörg herbergi. Torfi fór með margar flöskur fullar af fersku vatni með sér og kaffi. Þeir voru sem sagt færir í flestan sjó.........
Fyrra kvöldið hringdi hann í mig skellihlægjandi þar sem í ljós kom að í kofanum voru engin áhöld, engir diskar, glös eða hnífapör. Þeir voru reyndar með 2 beitta hnífa með sér sem þeir gátu notað til að skera af sviðunum og hangikjötinu og fundu 3 plastglös. Þeir gátu ekki helt á könnuna þar sem ekkert áhald var til hita vatnið í, en þeir voru með gas með sér en það dugði ekki til.
Næsta dag var betra hljóð í mínum þar sem hann hafði gert merka uppgötvun, hann hafði sem sagt fyllt bjórdós með vatni og hengdi dósina upp fyrir ofan gasið og gat þar með hitað sér vatn í kaffi. Já, mikið voru þeir heppnir að hafa haft bjór með sér..........um kvöldið gátu þeir hitað sér bjúgu í sömu bjórdósinni eina í einu og þar sem hún stóð uppúr dósinni þá sneru þeir henni við þegar neðri hlutinn var orðinn heitur...............hehhehehh Ég hef alltaf sagt að Torfi fæddist einni öld of seint, því ég veit að hann hefði sko fílað að búa í moldarkofa og svo ég tali ekki um að vera að finna upp hluti.
Á næsta sunnudag 28. september eiga foreldrar mínir gullbrúðkaupsafmæli, sem sagt verða búin að vera gift í 50 ár. Í tilefni af því ætlum við börn þeirra og tengdabörn að fara út að borða með þeim. Það verður gaman að fagna þessum áfanga með þeim.

Olga kveður að sinni.

Ég er lifandi.

Thu, 04 Sep 2008 16:25:23 GMT

Bara að láta vita að ég lifi, en er í þvílíkri bloggleti að það nær engri átt. Þar sem langt er síðan síðast ætla ég ekki að fara að rekja allt sem á daga mína hefur drifið, enda mynduð þið ekki nenna að lesa það.
En sem sagt lífið er að komast í fastar skorður eftir sumarfríið sem leið allt, allt of hratt. Ég var ekki byrjuð á útilegunum þannig að það fór lítið fyrir þeim, aðeins tvær og önnur var snemma í júní eins og ég sagði ykkur frá til Víkur og kuldinn var að drepa mann.
En við fórum til Rhodos og fengum ekki drullu eins og sumir...............sem sagt matareitrun, enda vorum við ekki á þessu hóteli.
Torfi var að veiða í Rangánni síðustu tvo daga og fengu þeir bræður 40 laxa á stöngina, þannig að núna verður bara lax á boðstólnum, soðinn, steiktur, grillaður, ofnbakaður, grafinn og reyktur. Nei nei ég segi nú bara svona, hann náði nú að gefa nokkra.
Sandra er byrjuð á fullu í skólanum og var búin að ákveða að æfa fimleika í vetur en móðir hennar (gamla) hélt að það lægi ekkert á að skrá hana en þegar til kom þá var allt uppfullt og biðlisti. Þannig að það gekk ekki en hún fór á kóræfingu í dag hjá barnakirkjukórnum og fannst bara mjög gaman og ætlar að halda áfram þar. Gott mál, þá á maður trúlega eftir að mæta í messu einhvern tímann en ég er ekki orðin svo fræg að sjá kirkjuna hérna að innan.
Telma er í FSu og er hæst ánægð þar. Tinna er áfram í FÁ og er líka ánægð. Ég er hérna heima allan daginn og er líka ánægð með það......hehehe.
Ég hef nú verið að velta fyrir mér að fara að vinna hálfan daginn, en þau störf sem hafa verið auglýst hérna og mér hefur litist á eru alltaf 75-100 % störf og ég er ekki alveg tilbúin í að vinna allan daginn, þannig að ég hef ekki sótt um, en það hlýtur að detta eitthvað upp í hendurnar á manni, annars er þetta svo helv...næs að vera bara laus við.
Nú er á dagskrá að fara um helgina í meiri laxveiði, eða þannig, við systkinin og Jón frændi ætlum að fara í veiðiferð í Borgarfjörðinn og mamma og pabbi ætla að vera með okkur þannig að þetta verður svona fjölskylduferð og ætli maður taki ekki með sér einhverja dalla til að fara í berjamó í leiðinni.
Svo það verður nóg að gera að sulta í næstu viku................
Læt hér staðar numið, enda ekki hægt að leggja á ykkur að lesa mikið í einu.
Kveðja
Olga að laxera......................hahahahah en ég alltaf fyndin.

Allt gott a Rhodos

Sun, 03 Aug 2008 18:45:30 GMT

Bara ad lata vita ad allt er i fina herna hja okkur. Hitinn heldur mikill en sem betur fer er mikill vindur sem bjargar manni. Vid vorum fyrri vikuna a litlu fjolskylduhoteli en forum i gaer a annad adeins liflegra. Buin ad fara i ferd til Rhodosborgar og i vatnsrennibrautargard en svo aetludum vid ad fara i ferd i kringum eyjuna en fararstjorarnir gleymdu okkur og rutan brunadi framhja okkur og vid vorum skilin eftir og tegar eg hringdi svo i fararstjorann ta sagdi hun mer ad finna leigubil og koma i naesta bae og rutan myndi bida tar eftir okkur, en tad gekk ekkert ad fa bill tannig ad vid sogdumst bara sleppa tessu..........en samt fult tar sem tad er ekki onnur svona ferd i naestu viku. En tetta hafdi vist ekki gerst hja teim adur tannig ad ta hlytur tetta ad vera allt i lagi.

Meiri frettir seinna. Bestu kvedjur til ykkar allra.

Olga sem er ekki med moskitobit og ekki brennd ( eins og alltaf adur)
Torfi kakkalakkabani og
Sandra Yr issjuklingur.

Kveðja

Sat, 26 Jul 2008 00:19:00 GMT

Já þá er komið að því.................ég fer í fríið, ég fer í fríið. Eftir nokkra klukkutíma verð ég komin í loftið ásamt mínum ektamaka og örverpi. Af Rhodos er það að frétta að jörð hefur hætt að hristast en í staðinn eru þar skógareldar sem gengur illa að ráða við, en þeir eru á sunnanverðri eyjunni en við verðum á norðurhlutanum.........

En annars er allt búið að ganga sinn vanagang hérna. Sandra Ýr varð 9 ára á miðvikudaginn síðasta og var með stelpuafmæli þann dag en svo er meiningin að hafa ættingja-afmæli í ágúst þegar við komum heim. Afmælið heppnaðist mjög vel, eitthvað var um forföll enda hásumar og fólk á faraldsfæti. Það er orðið svo lítið mál að halda barnaafmæli í dag, bara panta pizzur og baka eina stóra afmælisköku og svo rice crispies og nammi og svo er bara tilkynnt að veislan sé í 2-3 tíma. Eitthvað annað en þegar maður var með afmæli hinna stelpnanna, þá voru bakaðar hverjar hnallþórurnar á fætur annari og skreyttar með kremum og nammi í öllum regnbogans litum og svo stóðu afmælin bara fram eftir kvöldi, bara eins lengi og krakkarnir höfðu úthald til.

Ég skrapp til Njarðvíkur í gær og horfði á fótboltaleik, Njarðvík - Víkingur og var þessi leikur frekar leiðinlegur á að horfa og kuldinn var að drepa mann, en leiknum lauk með jafntefli 1-1 og voru það bara sanngjörn úrslit að mínu mati.

Það getur vel verið að ég laumi inn eins og einu bloggi á meðan ég er úti, ef ég verð í stuði.

Ég kveð ykkur lesendur góðir og eigið góðar stundir.

Olgina á leið til Rhodos.

Selfoss hvað ??

Tue, 15 Jul 2008 11:21:32 GMT

Ég hló mikið í morgun þegar ég las á mbl.is að það hefði verið jarðskjálfti upp á 6,3 á Rhodos í morgun.....................af hverju ætli ég hafi hlegið, nú auðvitað ég er að fara þangað hehehehh. Svo ætti maður að lenda í skjálfta þar, væri það ekki fyndið.........eða þannig. En sem sagt við Torfi og Sandra Ýr erum að fara til Rhodos þann 26. júlí í 2 vikur. Ligga ligga lá.

Við skruppum vestur um helgina en veðrið var crasy þannig að lítið sem ekkert var gert, þannig að við þurfum að kíkja þangað aftur fljótlega. en mikið var nú gott að fara vestur og fá sér frískt loft. Ég fór einn hring í Sandholtinu og þvílíkt útsýni úr eldhúsinu maður kann sko að meta það þegar maður sér ekkert hérna nema inn í eldhús í næsta húsi. Við rúntuðum um bæinn og hann er orðinn svo snyrtilegur og fallegur, búið að malbika göngustíga og hlaða grjóti upp með gilinu. Nú býð ég bara eftir að þeir verði búnir að laga hlíðina við heilsugæsluna eins og hún Magga var búin að segja að yrði svo flott þegar það væri búið.

Ég hef ekki tíma í að skrifa meira núna,

Kveðja
Olga sem er á leiðinni í meiri skjálfta.

Er ekki kominn tími á smá bloggggg

Tue, 08 Jul 2008 15:08:02 GMT

Núna þegar sumarið stendur sem hæst er eitt sem plagar okkur hérna í Kjarrhólunum. Það eru blessaðar flugurnar. Reyndar læt ég þær ekki fara svo mikið í taugarnar á mér, en Torfi er alveg að verða brjálaður á þeim. Ég verð nú að segja að ég man ekki eftir svona miklum flugum að angra okkur fyrir vestan. Þessar eru reyndar þannig að þær vilja helst vera í andlitinu á manni eða alla vega á líkamanum með þvílíkum óþægindum. Ég fjárfesti í fyrrasumar í forláta flugnaspaða keyptum fyir 99 krónur í Rúmfatalagernum og er hann aðal vopnið hans Torfa í baráttunni þessa dagana en það sem verra er að hann er ekkert að spá í hvar flugurnar eru þegar hann lætur höggið dynja og hef ég ekki sloppið, ég fékk eitt gott högg á annað lærið um daginn og það var EKKI gott. En það sem verra er að hann getur ekki sofið fyrir flugunum og núna eina nóttina fyrir stuttu vaknaði ég við högg en reyndar lennti það ekki á mér heldur var hann með upprúllað blað og barði því í rúmið rétt við andlitið á mér.....................það var ekkert sérstaklega gott að vakna við þetta.
Svo eru það kóngulærnar, úfffffff þær eru ekkert smá stórar hérna á Suðurlandinu ég hef bara aldrei séð annað eins og það er svo mikið af þeim og þær búa til vefi og hanga alls staðar utaná húsinu. Núna er ein sem er fyrir utan einn gluggann í stofunni og búkurinn á henni er eins og nöglin á þumlinum að stærð. Í gær voru tvær komnar hérna inn í stofu og voru í loftinu sem betur fer og reyndi ég að útiloka þær en um leið og Torfi kom heim sýndi ég honum þær og það kom sér vel að hafa hann hérna því að hann er mjög reyndur kóngulóarbani og er með vissa tækni við að drepa þær, hann sem sagt fær sér teygju og skýtur þær niður og nær þeim svo á gólfinu í eldhúspappír............

Það urðu breytingar hjá Tinnu minni, hún er komin heim til mömmu og farin að vinna á Kumbaravogi. Hún meikaði ekki móralinn á álverinu og var það aðallega einn ungur maður sem var að gera útaf við hana með leiðinda kommentum sem jaðraði við að vera einelti og hún lét ekki bjóða sér það lengur enda er ekki hægt að vera að vinna þar sem manni líður illa og hún tók þá ákvörðun að vera á Selfossi það sem eftir er sumars. Sem sagt við erum bara öll hérna núna, fyrir utan Hugrúnu náttúrulega enda er hún formlega flutt að heiman. Þetta er bara fínt, fyrir utan að þær systur eru að vinna vaktavinnu þannig að við erum aldrei öll að borða saman.
Við keyptum trambólín í garðinn um daginn og verð ég að segja að þetta fer að verða vinsælasti garðurinn hérna. Hér eru alltaf börn sem ganga inn og út. Um daginn var Sandra ekki heima og þá komu tvær litlar stelpur og spurðu eftir henni og þar sem hún var ekki heima spurðu þær hvort þær mættu fara á trambolínið og það var allt í lagi, svo eftir smá stund komu bönkuðu þær aftur og spurðu hvort þær mættu fara á klósettið og jú jú það var í lagi og þær tóku sér góðan tíma í það og þegar það var búið fóru þær bara inn í herbergið hennar Söndru að leika sér og við Torfi litum bara á hvort annað, loksins þegar við vorum ein í kotinu voru komu bara börn í nærliggjandi götum að leika sér hérna.

Ég þakka ykkur öllum fyrir hamingjuóskirnar hérna á síðunni. Torfi minn kom heim þennan dag með stærðar rósavönd handa mér og gjöf sem í var hálsmen...............sko hann klikkaði ekki, en ég færði honum ekki neitt, sem sagt klikkaði..............en við fórum svo til Rvk og út að borða á Argentínu sem var alveg rosalega gott.

Á laugardaginn var svo grill hjá Helga og Oddnýju eftir leikinn Víkingur R - Víkingur Ó og reyndar mættum við Sandra bara tvær af mínu fólki, þar sem Tinna og Telma voru að vinna og Torfi nennti ekki á leikinn og vildi frekar gera eitthvað heima í staðinn, sem hann gerði.
En þetta var alveg frábært og mamma og pabbi og systkini mín voru þarna og megnið af þeirra fjölskyldum. Takk Helgi og Oddný fyrir frábæran dag.

Nú er svo ferðinni heitið vestur í vikunni, það er ekki komið á hreint hvenær við förum en um leið og Torfi verður kominn í frí ætlum við að fara vestur og vera þar í einhverja daga. Þetta á víst að vera vinnuferð, það þarf að bera á pallinn og girðinguna og slá grasið og eitthvað fleira skemmtilegt og er búið að tilkynna mér að ég sé ekki að fara til að kjafta við alla sem ég hitti og hanga með mömmu sem sagt ég Á AÐ VINNA LÍKA.

Læt hér staðar numið.
Kveðja
Olga og flugurnar.

2. júlí 1988 - 2008

Wed, 02 Jul 2008 13:47:53 GMT

Þá er stóri daguinn runninn upp. Frú Olga og Hr. Torfi eiga 20 ára brúðkaupsafmæli í dag.

Þann 2. júlí 1988 voru 3 brúðhjón gefin saman í Ólafsvíkurkirkju og voru það ásamt okkur Torfa þau Sigrún Drífa Óttarsdóttir frænka mín og Magnús Stefánsson alþingismaður og traustur vinur með meiru. Einnig voru gefin saman Bára Hilmarsdóttir ( systir Sússu hans Sigga Arnfjörð ) og Ólafur sem ég man ekki hvers son er en þau fluttu svo fljótlega frá Ólafsvík.
Ekki veit ég betur en þau séu enn saman eins og við hin. Það var alveg meiriháttar veður þennan dag heiðskír himinn og sól og blíða.

Við Torfi höfum gengið í gegnum súrt og sætt í þessi 20 ár, þó meira af sætu heldur en súru og það verður bara sætara með árunum.

Ekki höfum við planað neitt sérstakt í dag en sennilega förum við tvö eitthvað á eftir og gerum eitthvað skemmtilegt saman.

Tekið er á móti hamingjuóskum hér á síðunni í dag og næstu daga.

Kveðja
Frú Olga.

JA HÉRNA JÓN..................

Thu, 26 Jun 2008 20:32:18 GMT

Ég er gestur númer 91 í dag og enginn hefur kvittað...................................nú er ég ekki kát. Endilega skiljið eftir spor svo ég fari ekki í fýlu..................

Jæja............

Tue, 24 Jun 2008 16:09:28 GMT

Ég hef bara ekki verið í standi til að skrifa hérna inn eftir leikinn á sunnudaginn..........en ég er svona allt að því búin að jafna mig, þannig að ég held að ég geti skrifað eitthvað núna án þess að sjá eftir því. En það var sem sagt gleði hérna á sunnudaginn, stórfjölskyldan mætti og borðuðum við saman og áttum góða stund fyrir leik. Pabbi mætti með Víkingsfána sem ég fékk lánaðan hjá knattspyrnudeildinni fyrir vestan og hann var hengdur utan á húsið. Bongóblíðan sem var breyttist á miðjum leiknum í hellirigningu með þrumum og eldingum, þannig að ekki var þurr þráður á manni þrátt fyrir regnhlífar...............það lak nefnilega af regnhlífunum við hliðina á mér á mig............En ég ætla ekkert að hafa mörg orð um þennan leik, eins og flestir vita misstum við markmanninn útaf á fyrstu mínútunni og útimaður fór í markið, þannig að maður þakkar bara fyrir að ekki fór 10-0.

Ég er aðeins farin að átta mig á að við erum einum færri á heimilinu og Telma loksins búin að fá herbergið sitt. Þetta er bara notalegt.
Ég dreif mig út á pall í morgun þegar ég vaknaði með blöðin og las þau úti í logni og sól. Haldið þið ekki að litla krúttið mitt hún Sandra Ýr hafi ekki hellt á könnuna og komið út með alveg dýrindis kaffi handa mömmu sinni, og lét fylgja með að mig vantaði eitthvað ætti ég bara að kalla í hana og hún myndi koma með það. Hún fór svo inn að taka til. Ég varð svo hress eftir tvo kaffibolla að ég sótti pallaolíuna sem hann Torfi minn var búinn að kaupa og bar á pallinn og var í 3 klt. að því, og ég verð að viðurkenna að þegar ég átti eftir örfáar spítur var ég gjörsamlega að verða búin í bakinu en þetta hafðist allt saman og nú á ég bara eftir að bera á skjólveggina en ég ætla ekki að gera það í dag, kannski á morgun. Annars finnst mér þetta orðið "too much" þegar ég er farin að bera á pallinn, slá garðinn og leggja hellur í innkeyrsluna, ég sver það að hér dreg ég mörkin, ég ætla ekki að þvo bílana, það fær Torfi að gera.
Ég er nú að vona að hann fari að komast í sumarfrí, þetta er nú síðasta vikan sem hann þarf að vera niður í kjallara í sundlauginni á Hellu.
Á föstudaginn ætlum við svo að skella okkur í útilegu með systkinum hans sem eru búsett hérna á Suðurlandinu. Ferðinni er heitið í Fljótshlíðina að Hellishólum og vona ég bara að veðrið leiki við okkur. Ég nenni ekki annari útilegu i roki og leiðindum.
Jæja læt þetta duga í bili.
Kveðja
Olgina málari.